MANILA, Philippines – Nagapalig-on sang alegasyon ang report sang Anti-Money Laundering Council (AMLC), nga nakabaton sang kwarta si Vice President Sara Duterte nga halin sa isa ka ginaalegar nga drug lord nga si Samuel Uy suno kay anay Senador Antonio Trillanes IV.
Sa pag-attend ni Trillanes sa House justice panel sa ikatatlo nga hearing sa mga reklamo sa impeachment batok kay VP Duterte, ginsulit niya ang akusasyon sang tuig 2016, nga sanday VP Duterte kag anay President Duterte may bank account nga wala nalakip sa Statements of Assets, Liabilities and Net Worth (SALN).
Pahayag niya indi magnubo sa 18 transaksyon ang gin-alegar nga nabaton ni Duterte halin kay Uy, suno sa iya copy nga nagasanto sa record sang AMLC.
Ginpanindugan ni Trillanes nga padayon sa pag-review sang impormasyon para sa imbestigasyon, kadungan sang pagtukib sang publiko kag supporters sa kabug-aton sang ebidensya sa paghukom.
Dugang pa suno sa pag-anunsyo ni VP President Duterte suno sa iya plano nga magpadalagan sa pagka-presidente sa tuig 2028, ginpanginwala sang iya kampo ang mga alegasyon kag ginpanindugan nga kabahin ini sang political agenda agud punggan ang iya posible pagpadalagan.
Sa karon wala pa sang komento ang kampo ni VP Duterte kaangot sa pahayag ni Trillanes.
