-- ADVERTISEMENT --
Ginkakibot sang publiko ang presensya ni former Senator Antonio Trillanes IV nga yara sa Senado kahapon bitbit ang ginaalegar arrest warrant sang International Criminal Court batuk kay Senator Ronald “Bato” Dela Rosa.
Nag-upod si Trillanes sa National Bureau of Investigation (NBI) agud nga arestuhon ang nasambit nga senador.
Suno kay Trillanes, nagpadulong siya sa Senado bilang sabat sa una nga hangkat ni Dela Rosa nga updan siya sa NBI sa tion nga himuon ang pag-aresto.
Nahibaluan nga ang dokumento nga dala sang anay senador ang naga-unod sang mga alegasyon sang pagkaangot ni Dela Rosa sa mga kaso sang extrajudicial killings may kaangtanan sa war on drugs sang tyempo ni former President Rodrigo Duterte.
