Nagapanawagan si anay Senador Antonio ‘Sonny’ Trillanes nga kakason na sa pwesto si Vice President Sara Duterte kaangut sa nangin batasan sini nga ginpakita sa hearing sa kamara nga nagatalakay sa proposed budget sang Office of the Vice President (OVP).
Sa isa ka online post, ginpahayag ni Trillanes nga indi lamang ang pagastos sang P125 milyon confidential funds ang nangin impeachable offense sang Bise Presidente.
Idugang pa suno diri ang bribery kag korapsyon bangud sa pagbaton suno sini sang duha ka cheke nga nagabalor sang 14.4 milyon nagikan sa anay economic adviser ni anay Presidente Rodrigo Duterte nga si Michael Yang samtang siya ang nagapungko bilang alkalde sang Davao City.
Matandaan nga sa hearing sang proposed budget sang OVP para sa tuig 2025, nagapabilin nga matig-a ang panindugan ni VP Sara nga indi niya pagsabton ang mga pamangkot angut sa iya talatapan sang P125 milyon confidential funds sa sulod sang onse ka adlaw.
Suno pa kay Duterte, wala na sang kaangtanan pa ang mga alegasyon nga ato sa isyu angut sa budget sang OVP para sa masunod na tuig.
Samtang una na diri, nga nagpahayag na man si Trillanes sang iya hina-hinaing angut sa insidente sini lamang nga Martes, Agosto 27.
Ginpahayag sang anay senador nga nagapati siya nga oras na para ulu-lupod mamati sa mga mamalidha nga kakasaon si Duterte sa iya posisyon.
