Roxas City – Arestado ang isa ka trisikol driver sa Barangay Bato, Panay, Capiz sa ginkasa nga drug buy bust operation sang gintingob nga pwersa sang CIDG Capiz, Provincial Anti Illegal Drugs Special Operations Task Group kag Panay PNP.
Tatlo ka sachets sang ginapatihan druga kag P200 nga marked money ang narekober sa suspek nga si Dante Baes alyas Peraw, 44-anyos residente sang Poblacion Tabuc, Panay, Capiz.
Hugot naman nga ginpanginwala sang suspek nga nagaduso ini sang druga sa baylo, aminado ini nga anay naga gamit sang shabu apang nag untat na sang nagpungko na si Presidente Rodrigo Duterte.
Sa karun nakahunong na si Baes sa karsel sang Panay PNP kag natalana pasakaan sang panumbungon nga paglapas sa Republic Act 9165 ukon Comprehensive Dangerous Drugs Act of 2002.
