Tropical Storm Gardo, nagsulod na sa Philippine Area of Responsibility

Nagsulod na sa Philippine Area of ​​Responsibility (PAR) ang Tropical Storm Gardo subong nga hapon.

Base sa pinakaulihi nga data, ang sentro sang bagyo ang nahamtang sa kalayuon nga 1,400 kilometers nasidlangan sang Extreme Northern Luzon.

May kabaskugon ini sang hangin nga nagalab-ot sa 85 kph malapit sa sentro kag pagmadlos nga nagalab-ot sa 105 kph.

Sa subong, nagahulag ini pa-Northwest sa kadasigon nga 45 kph.

Apisar nga yara na sa sulod sang PAR ang bagyo, wala pa sang wind signal nga ginpataas sa bisan diin nga bahin sang pungsod.

Apang bisan indi direkta nga mag-igo ang bagyo, mahimo ini magdala sang hangin nga habagat nga magadala sang pag-ulan-ulan sa western section sang aton pungsod.