Tropical Storm JANGMI, possible nga magbaskog pa bilang Typhoon sa Weekend

Padayon nga nagahulag ang Tropical Storm JANGMI pa-northwest samtang napabilin ang kabaskugon sini sa nasidlangan nga bahin sang Eastern Visayas.

Ulihi ini nasiplatan sa kalayuon nga 1,135 kilometers sa nasidlangan sang Eastern.

Dala sini ang kabaskugon sang hangin nga nagadangat sa 65 kph kag pagmadlos tubtob 80 kph.

Ginalauman nga magasulod ang bagyo sa Philippine Area of ​​Responsibility subong nga gab-i ukon  sa Biernes kag pagatawgon nga “Domeng.”

Ang JANGMI mahimo nga magbaskog kag mangin isa ka bagyo sa Sabado.