Padayon ang gina-ihibalo sang mga otoridad sa ang responsable nga driver nga nagbunggo sa speed radar gantry sa Barangay Dayhagon, Sigma, Capiz.
Sa interview sang Bombo Radyo kay John Lyndon Jarencio, Municipal Engineer sang nasambit nga banwa, iya ginpahayag nga nagluya ang istruktura sang gantry, gani ginrekomendar nga kuhaon ini agod malikawan ang posible nga disgrasya sa mga sa mga motorista.
Suno kay Jarencio, nga ang kataason sang gantry nagasunod sa standard sang Department of Public Works and Highways yara sa 4.5 meters ukon 14 feet, kag indi ini mahimo mapataas pa kay maapektuhan ang performance sang camera.
Nagpanugyan man ini sa mga motorista nga obserbahan ang husto nga pagtuman sang mga rules and regulations sa dalan.
Sa subong, plano sang Local Government Unit nga i-restore ang amo nga speed radar gantry sa lugar.
