Truck Driver arestado matapos ginserbihan sang warrant of arrest sang mga kapulisan sa banwa sang Dao, Capiz

ROXAS CITY – Arestado ang isa ka 60-anyos nga truck driver matapos ginserbihan sang warrant of arrest sang mga kapulisan Barangay Agtambi, Dao, Capiz.

Ginkilala ang arestado nga si Elmer Caldeo sang nasambit nga lugar.

Kaso nga Reckless Imprudence Resulting to Homicide and Damage to Property ang ginapangatubang sang nasambitan nga akusado.

Ang amo nga warrant of arrest gin-isyu kag ginpirmahan ni Hon. Jerry F. Marañon, Presiding Judge sang Municipal Trial Court in Cities 6th Juducial Region, Passi City, Iloilo nga napetsadhan sadtong Hunyo 1 sining tuig.

Ginrekomendar naman sang korte ang P60,000 nga piyansa para sa temporaryo nga kahilwayan sini.

Sa karon, nakahunong na sa karsel sang Dao Municipal Police Station ang nasambit nga akusado.