ROXAS CITY – Wasak ang pader sang isa ka puluy-an, matapos nga bumunggo diri ang truck sang Bureau of Fire takna alas 4:27 sang hapon sang damlag lang sa may bahin sang Navarra Avenue, Barangay Poblacion Proper, Mambusao Capiz.
Ang wala na ginhingadlan nga drayber sang Isuzu Fire Engine Truck ang miyembro sang BFP Mambusao Fire Station.
Sa inisyal nga imbestigasyon nagikan sa Mambusao Municipal Police Station, samtang ginasubay sini ang dalan sa may bahin sang Bonifacio Street, Barangay Poblacion Proper, Mambusao Capiz kag maka-abot sa lugar kun sa diin natabo ang insidente magatabok kun tani ini sa intersection sang hinali nga madulaan ini sang kontrol sa pagmaneho rason sang iya pagkabunggo sa isa ka puluy-an.
Mahibaluan nga magapatigayon kun tani ang nasambit nga BFP member sang fire visibility and recorrida angut sa El Niño Phenomenon.
Bangud sa natabo, nawasak ang windshield, unahan nga bumper, side mirror kag front panels sang amu nga salakyan, samtang wasak naman ang pader sang puluy-an.
Maswerte naman nga wala sang may napilasan sa nagluntad nga insidente.
