Gin-akusaran ni US President Donald Trump ang Iran sang “total violation” ukon dalayon nga paglapas sa ceasefire matapos ginaalegar nagpalupok sa mga barko sa Strait of Hormuz.
Nagpaandam man si Trump nga posible nga gub-on sang dalayon sang Estados Unidos ang mga taytay kag power plant sang Iran kun indi ini magpasugot sa gintanyag nga kasugtanan sang Amerika.
Sa iya nga pahayag sa internet, ginsiling ni Trump nga “very fair and reasonable” ang ila nga offer, apang kun magpamalibad ang Iran, handa ang U.S. nga tiradahon ang importante nga mga imprastraktura sini.
Sa pihak naman sang temporaryo nga pagbukas sang Hormuz Strait sang tinalikdan nga semaana, nagapabilin nga apektado ang shipping sang gatong.
Nakarekord man sang insidente kun sa diin duha ka mga barko ang ginpalukpan samtang nagahilapit sa lugar.
Sa tunga sini, natalana nga magpadulong sa Pakistan ang mga tiglawas sang U.S. para sa panibag-o nga peace talks.
