Ginbalibaran ni U.S. President Donald Trump ang hagna nga diplomatic sang pila ka mga Middle Eastern mediators para sa ceasefire talks sa Iran, sandig sa report.
Nag-umpisa ang malapnagon nga conflict sang Pebrero 28 matapos ang air assault sang U.S. kag Israel sa Iran, nga nagtuga sang madamo nga casualties kag pagtaas sang tensyon sa bilog nga kalibutan. Bilang balos, ginsirado sang Iran ang Strait of Hormuz, ang nagapanguna nga ruta sang pangkalibutanon nga suplay sang langis, nga nagtuga sang pagka-delay sa oil shipments.
Sa pihak sang pagtinguha sang pila ka mga pungsod, kalakip ang Oman, nagapabilin nga nakasentro ang administrasyon ni Trump sa military pressure, samtang ginabalibaran sang Iran ang ceasefire tubtob padayon ang airstrikes kag indi naaksyunan ang ila nga ginahingyo nga kompensasyon.
Padayon ang panawagan sang nagkalain-lain nga lider para sa ceasefire, apang wala pa sang maathag nga progreso sa nasambit nga kinagamo.
