Ginhinyo ni US President-elect Donald Trump sa Korte Suprema sang Estados Unidos nga i-delay ang pagdumili sa TikTok.
Ang iya abogado nag-file sang legal brief sang Biernes sa Korte nga nagasiling nga “si Trump nagapamatok sa pagdumili sa TikTok” kag nga ini magasabat sang mga isyu sa tion nga magpungko na sia sa pwesto.
Bangud ginakabig ini sang mga Amerikano nga lehislador nga pamahog sa ila seguridad sa diin mangin pamaagi ini sang China nga ma-monitor kag makakuha sang impormasyon sa ila pungsod.
Ang mga alegasyon nga ginhaboy sa Tiktok nga may yara ini sang 170 milyones ka mga user sa US nagdul-ong sa Kongreso sa pagpasar sang isa ka hagna sang Abril, nga ginpirmahan ni Presidente Joe Biden nga mangin kasuguan.
Ang departamento sang hustisya sang Estados Unidos nangatarungan nga ang ginaalegar nga mga kaangtanan sang mga Intsik sa Tiktok k nagapresentar sang pamahog sa pungsodnon nga seguridad – kag madamo nga mga gobyerno sang estado ang nagpabutyag sang mga kabalaka nahanungod sa popular nga social media app.
