Nagpahayag si U.S. President Donald Trump sang hugot nga paandam batok sa Iran, nga possible nga gub-on ang nagapanguna nga South Pars gas field sini kun padayunon ang pag-atake sang Iran sa mga energy facility sang Qatar.
Ang tensyon sa Middle East ang labi pa nga nagalala matapos ang asud-asod nga missile attack sang Iran sa mga oil kag gas site sa Gulf region, bilang balos sa nauna nga pag-atake sang Israel sa South Pars gas field. Bangud sini, nagtaas sang mas ukon menos 5% ang presyo sang gatong sa pangkalibutanon nga merkado kag naapektuhan ang pag-agi sang mga oil tanker sa Strait of Hormuz.
Suno kay Trump, handa ang Estados Unidos nga mag-atras kun mag-untat ang Iran sa mga pag-atake, apang kun indi, indi niya pagadugayon pa kag mag-gamit sang puwersa agud proteksyunan ang Qatar. Sa pihak sang kinagamo, linibo ka mga tawo na ang napatay, kalakip ang mga matag-as nga opisyal sang Iran, kag naapektuhan man ang iban pa ka mga pungsod kasubong sang Qatar, Saudi Arabia, kag Israel.
Nagpanawagan ang pila ka mga lider sang kalibutan, kalakip si French President Emmanuel Macron, nga i-untat na ang pag-atake sa mga sibilyan kag importante nga mga imprastraktura sa rehiyon.
