Pareho nga naga-overtime sa pagpangampanya si Kamala Harris kag Donald Trump agud makuha ang mga botante sa Michigan.
Matandaan nga ginlutos ni Presidente Joe Biden ang Republican nga si Trump pinaagi sang 155,000 margin sa Michigan sang 2020 kun sa diin nakakuha ini sang pinakamadamo nga suporta gikan sa mga komunidad sang Muslim kag Arab American.
Dako nga pagbag-o ini humalin sang 2016, sang ginlutos ni Trump si Hillary Clinton pinaagi sang 11,000 nga boto.
Nabudlayan si Harris sa mas dako nga hamon bangud sa lapnagon nga kaakig kag kapaslawan sa padayon nga military US support para sa giyera sang Israel sa Gaza, kag sa karon sa Lebanon.
Direkta naman nga nag-apela si Trump sa komunidad sang Arab American kag nagpromisa ini nga tapuson ang mga gyera sa Middle East nga personal nga nakaapekto sa kadam-an.
Samtang, naghatag naman si Trump sang ulihi nga pahayag nga suporta sa Pennsylvania, ang pinakadako sa pito ka estado nga ginalauman nga maga-desisyon sa election sa pagka presidente sa US.
Naghatag na man sang closing pitch si Harris para sa iya pagkapresidente sa Estados Unidos sa isa ka minaragtason nga Black church sa battleground state sang Michigan.
