ROXAS CITY – Kadungan sang nagahilapit nga pagkit-anay nanday US President Donald Trump kag North Korean leader Kim Jong Un, nagapabilin nga ‘business as usual’ pa ang tanan sa Vietnam.
Ini ang ginpahayag ni Bombo International Correspondent Jun Felix, tumandok sang Caballero, Guimba, Nueva Ecija nga nabase karon sa Dong Da District, Hanoi City, Vietnam sa interview sang Bombo Radyo Roxas.
Suno kay Felix nga indi apektado ang operasyon sang mga establisyemento, opisina, eskwelahan kag mga negosyo sa pagkit-anay sang duha ka kilala nga lider apang hugot suno sa iya ang ginapatuman nga seguridad sang mga otoridad.
Ginalauman nga magakitaay ang duha ka lider buwas sa isa sa mga downtown venues nga Government Guest House, nga anay balay sang colonial governor sang Tonkin.
Gindugang pa sini nga humalin pa kahapon punuan na ang mga hotels malapit sa lugar kun sa diin magakit-anay sanday Trump kag Kim bangud man sang mga delegado nga bitbit sang duha ka lider.
Matandaan nga Hunyo sang nakaligad nga tuig sang una nga nagkitaay ang duha ka lider sa Singapore.
