Wala natago ni US President-elect Donald Trump, ang iya kasubo sa pagtaliwan ni anay US president Jimmy Carter sa edad nga 100.
Si Carter ang ginkilala bilang longest-living president sa kasaysayan sang US.
Siya ang nagtaliwan samtang yara ini sa iya puluy-an sa Plains, Georgia.
Mahibaluan nga nangin state governor kag dalayon nga nangin pangulo sang US kag siya ang ika-39 nga nagserbe bilang pangulo sang nasambit nga pungsod.
Sa mensahe ni Trump, ginsiling sini nga ang mga lider ang kabahin sang isa ka ekslusibo nga grupo nga nakaintindi sa dako nga responsibilidad sang pagpamuno kung sa diin ginatawag nga “Greatest Nation in History.”
Suno kay Trump, gin-atubang ni Carter ang mga pagtilaw sang iya panahon bilang presidente kag ginhimo ang tanan agud mapaayo ang kabuhi sang mga Amerikano.
Bangud diri, nagakadapat lamang nga magpasalamat ang tanan sa iya.
Sa katapusan ginpalab-ot ni Trump kag asawa sini nga si Melania ang ila pagpakig-unong sa pamilya ni Carter kag ginganyat ang tanan nga ilakip sila sa ila mga pangamuyo.
