Nagpamahog si US President Donald Trump nga bombahon nila ang South Pars gas field sang Iran kun liwat nga atakehon sang Iran ang energy facilities sang Qatar.
Ang South Pars/North Dome field ginakabig nga pinakadaku nga gas field sa kalibutan.
Ginpahayag ni Trump sa Truth Social nga kun target liwat sang Iran ang natural gas facilities sang Qatar, magabalos ang US pinaagi sa pagguba sang bug-os nga South Pars Gas Field.
Ginhimo sang Presidente sang Estados Unidos ang pamahog kasunod sang mga report nga may yara sang “significant damage” sa mga pasilidad sang Liquified Natural Gas (LNG) sang Qatar bangud sa mga pag-atake sang Iran.
Ginpasalig ni Trump nga wala na sang pag-atake gikan sa Israel sa Iran, apang nagpaandam nga magabalos ang US kun liwat nga atakehon ang Qatar.
