CAPIZ – Nagahatag sang dugang nga proteksyon ang Truth in Lending Act sa financial consumers sang pungsod Pilipinas.
Sa interview san Bombo Radyo kay Atty. Irene Bianca Distura sang Integrated bar of the Pilippines – Capiz Chapter, iya ginpahayag nga ang Lendic Act, amo ang klaro kag kompleto ang pagbutyag sang tanan nga detalye sang loan antes ini pirmahan sang borrower ,lakip na ang total nga kantidad sang utang, interest rate.
Suno kay Distura, ang amo nga layi ang mas nagpalig-on pa paagi sa paghatag sang adjudicatory powers sa mga regulator pareho sang Bangko Sentral ng Pilipinas kag Securities and Exchange Commission, nga mahimo magpataw sang administrative sanctions kag penalties bisan wala nagkadto sa korte.
Pahayag pa niya, lakip man sa sakop sang amo nga layi ang isyu sang online lending apps, debt shaming, contract scraping, kag sangla-ATM, nga ginpahamtang nga ilegal kon wala sang pahibalo kag consent sang borrower.
Nagpanawagan man ang tanan sa publiko nga mag-angkon sang ihibalo sa mga layi bilang proteksyon batok sa nagkalain-lain nga krimen.
INTERVIEWED BY: BOMBO ROADNIE DABAN DALANON
