Posible nga mag-abot sa critical level ang antas sang tubig sa Angat Dam antes matapos ang bulan sang Hunyo, suno sa pagtaya sang isa ka hydrologist sang Department of Science and Technology (DOST).
Sang Hunyo 25, naitala ang water level sang Angat Dam sa 162.98 metros, malayo sa normal sini nga mas mataas sa 180 metros. Suno sa eksperto, nagapadayon ang pagnubo sang tubig sang halos tunga ka metro kada adlaw.
Ginpahayag man nga bisan may mga pag-ulan sa pila ka lugar, wala ini nagatupa sa catchment area sang dam gani wala sang daku nga bulig sa pagsaka sang water level sini.
Ang Angat Dam amo ang isa sa mga nagapanguna nga suplayan sang tubig sa Metro Manila kag nagkalapit nga mga probinsya. Kun mag-abot ini sa critical level nga 160 metros, posible nga maapektuhan ang suplay sang tubig, irigasyon sa mga uma kag pagprodyus sang kuryente.
