Tubtob sa hawak nga baha, indi nangin upang sa pagpakasal sang magkahagugma

Sa pihak sang pagbaha nga naglab-ot sa hawak, indi nangin upang sa mag-asawa ang ila kasal sa Parokya ni San Juan Bautista sa Hagonoy, Bulacan.

Suno sa parish post, ginsuhestyon sa mag-asawa nga i-postpone ang kasal bangud sa sitwasyon sang baha.

Apang, nagdesisyon ang duha nga padayunon ang ila pinasahi nga adlaw kag naglakat pakadto sa altar sa tunga sang baha.

Mahinalungon naman nga ginaalsa sang bride ang iya gown agud indi ini mabasa, samtang portable speakers lang ang gingamit sa seremonya bangud wala sang kuryente sa simbahan.

Sa pihak sang mabudlay nga sitwasyon, gintinguhaan nila sa gihapon nga dekorasyonan ang simbahan agud mangin pinasahi kag makahulugan ang ila kasal.