Matapos ang nangin manifest ni Senator Robin, ginhingyo ni Senator-Judge Erwin Tulfo sa Senate Impeachment Court nga indi paggamiton ang impeachment proceedings bilang venue para sa mga senador agud depensahan ang ila kaugalingon batuk sa mga isyu nga ila personal nga gina-atubang.
Ini ang nangin suhestyon ni Tulfo kasunod sang pahayag ni Senator Robin Padilla may kaangtanan sa obstruction of justice complaint nga ginpasaka batok sa iya.
Suno kay Tulfo, ang impeachment court ang gintuyo lamang para sa deliberasyon sa kaso nga impeachment batuk kay Vice President Sara Duterte kag indi para sa iban pa nga bagay.
Dugang sini nga mahimo ipaathag sang mga senador ang ila bahin paagi sa iban nga paagi kaangay sang media ukon social media apang indi sa sulod mismo sang impeachment court.
Samtang, ginalauman naman nga magboto ang mga senador-judges kon bala ihatag ang request sang House prosecution nga buksan ang BIR box nga ginapahayag nagaunod sang importante nga mga dokumento, lakip na ang income tax records nga mahimo magserbe nga ebidensya sa kaso sang impeachment.
