ROXAS CITY – Madinalag-on nga ginhiwat ang Duag Pilareño, isa ka art fest, sa banwa sang Pilar, sang tinalikdan nga Hulyo 8, sini nga tuig.
Sa interview sang Bombo Radyo sanday Mr. Val Piape, pinuno sang MENRO-Pilar kag Mr. Reden Aguadera sang Guban handuraw, Inc., suno diri nga malipayon ang mga ini sa pagsakdag ilabi na sang mga Pilareño, sa tumalagsahon nga body painting competition.
Nahibaluan nga tinutuyo sang sini nga aktibidad amu ang pagpakita sang suporta sa mga local artists, pagpauswag sang ila obra, kag subong man ang pagkampanya sa pagkonserba kag protekta sang ila palibot.
Sa tema nga “Gikan sa kabukiran tubtob sa kadagatan, kapalibutan paga-amligan” nakahimo sang mga matahom nga obra, pinaagi sa body painting ang mga partisipante.
Sa nasambit nga kompetisyon, ginpasidunggan ang mga tagdaug bilang 1st, 2nd, 3rd placer kag Consolation prizes, ini amu sanday:
1st Placer – Eljohn Casipit kag Adrian Rose Gajisan (Artists) Lloyd Bacordio (Model)
2nd Placer – Crisanto Española kag Jerecho Bule (Artists) John Paul Bullos (Model)
3rd Placer – Cyrus Azarcon Michael Esmolo (Artist) Grace Jane Lario (Model)
Consolation -Nico Vallar kag Kier John Ferer (Artists) Kevin Patrona (Model)
Consolation – Prahlad Das Rebadomia kag Kezy Villa (Artists) Ragen Bacea (Model).
Magluwas sa cash prizes, nagbaton man ang mga ini sang token kag certificates.
