ROXAS CITY – Karsel ang gintup-an sang isa ka lalaki matapos nga nagpinalupok sang ginapatihan Colt Caliber .45 1911 pistol sa Digol St., Barangay San Agustin, syudad sang Iloilo.
Ginkilala ang persona kay Marlon dela Cuesta, tumandok sang Barangay Tuburan, Maayon, Capiz apang nagatenir na sa nasambit nga lugar.
Sandig sa impormasyon nga nakuha sang Bombo Radyo sa mga kapulisan sang Iloilo, nga ginreklamo sang iya mga kasilingan ang amu nga persona bangud sa pagpinalupok sang iya armas-luthang, masuwerte nga maabtik si PCpl. Kenny Roger Solatorio, duty sentinel sang San Agustin Police Station kag ginpadulungan ang lugar kag naaktuhan ang persona nga ginakaptan ang amu nga armas.
Nahibaluan nga yara sa impluwensya sang makahulubog nga ilimnon si dela Cuesta.
Bangud diri, gindala ini sa police station kag ginkustodiya.
