Tumandok sang Tapaz nga ginaalegar miyembro sang NPA, ginserbihan sang warrant of arrest sa Quezon City

ROXAS CITY – Gin-aresto sang mga katapo sang Quezon City PNP sa Teacher’s Village, sa amu nga syudad, ang ginaalegar miyembro sang New People’s Army (NPA) nga tumandok sang Tapaz, Capiz.

Ginkilala ini kay Adora Faye de Vera, nagagamit sang alyas “Boying”, “Ato” kag “Vida”, 67-anyos, nga nagpahayag tumandok sang Barangay Roosevelt, banwa sang Tapaz.

Nagapangatubang ang akusado sang kaso nga multiple murder with the use of explosive, multiple frustrated murder nga napetsahan Marso 10, 2006.

Suno sa otoridad, si Adora nga isa ka Martial Law survivor ang isa ka opisyal sang CPP-NPA-NDF.

Sa karun, yara na ini sa Calinog MPS.