TUPAD Beneficiaries, nagpatigayon sang Drainage Declogging sa Roxas City

Nagpatigayon sang drainage declogging ang mga benepisyaryo sang TUPAD sa nagkalain-lain nga mga balahaon nga lugar sa barangay sa Roxas City.

Bisan mabudlay kag makapoy ang trabaho, ginpatigayon ini sang mga TUPAD recipients bilang kabahin sang mga tikang kontra baha sa syudad.

Pinaagi sa paglimpyo kag pagkuha sang mga sagabal sa mga drainage, ginabuligan nga mapahagan-hagan ang posibilidad sang pagbaha, ilabi na kun mabaskog ang pag-ulan.

Kabahin ini sang mga programa nga nagaluntad agud mapauswag ang drainage system kag maprotektahan ang mga komunidad batuk sa epekto sang pagbaha.