Ginbuyagyag sang anay TV personality nga si Cesca Litton ang iya pagpakigbato sa balatian nga cancer.
Sa social media account sini ginpakigbahin ang pila ka laragway samtang nagapaidalom sa chemotherapy.
Dugang pa sini nga na-diagnosed ini sang Disyembre nga gintawag niya nga ulihi nga surpresa sang 2024.
Pahayag pa sini nga sa nasambit nga bulan, asud-asod ang ginhimo sini nga laboratory test kag consultation tubtob nagguwa ang resulta sang biopsy kag nakumpirmar nga ini ang bangud sa cancer.
Luyag man sini kun tani nga mangin malinong apang wala sa gihapon sang punto ilabi na kag padayon ang pag-unot sang iya buhok gani ginpakamaayo sini nga dalayon na nga ahiton.
Humalin sadto, nagsugod na ini nga mag-kolekta sang scarves kag turbans nga iya nga ginagamit pangtabon sa buhok.
Ginpasalamatan man sini ang mga tawo nga nagasuporta sa iya nga breast cancer journey.
Nagpalab-ot naman sang ila nga pangamuyo para sa madasig nga pag-ayo ni Cesca ang mga kapareho sini nga showbiz personalities.
