Naghimo sang bag-o nga rotation force ang U.S Army sa Pilipinas nga ginatawag, Army Rotational Force-Philippines.
Suno kay Bombo Denmark Suede, International Correspondent sa Australia, ang amo nga puwersa ang kabahin sang mas ginpabaskog pa nga security relations sang duha ka mga pungsod agud mangin hugot ang koordinasyon batuk sa pagpang-ipit sang China.
Suno kay Suede, may deployment man sang High Mobility Artillery Rocket Systems (HIMARS) nga may kaangtanan sa posibilidad sang Taiwan invasion kag sa seguridad sa West Philippine Sea.
Sang nagligad nga mga tuig, nagpatigayon man sang training exercises ang U.S. Army units sa nagkalain-lain nga bahin sang Pilipinas bilang suporta sa maritime kag land defense operations sang pungsod.
Ang pagtukod sang Army Rotational Force–Philippines nagapakita sang kooperasyon sang Pilipinas kag Estados Unidos sa seguridad kag depensa, ilabi na sa tensyon sang West Philippine Sea.
