Natalana nga ideklara ni U.S. President Donald Trump ang Strait of Hormuz nga isa ka teritoryo sang Amerika matapos makumpleto nga mapiyerde ang Iran.
Ginkumpirma ini ni Trump sa isa ka political rally sa isa ka police academy sa New York state.
Madumduman nga ang U.S. kag Israel tingub nga naglunsyar sang inaway batok sa Iran sang Pebrero 28 sa tuyo nga tapuson ang kontrobersyal nga nuclear program, nga nagtuga sang lapnagon nga kinagamo sa Middle East.
Apang, ang Iran nagbalos paagi sa pagtukod sang de facto control sa Strait of Hormuz, isa ka importante nga alagyan para sa daku nga kadamuon sang langis kag iban pa nga commodity shipping..
Sa subong, ang U.S. nagapadayon sang pagbalabag sa mga pantalan sang Iran sa pagtinguha nga mapiang ang ekonomiya sang Iran, samtang ginapunggan sang Tehran ang pagsulod sa Strait of Hormuz para sa mga sibilyan nga sakayan kag sa U.S. Navy.
