Temporaryo nga gin-untat sang Department of Agriculture ang pag-export sang preska nga ube kag planting materials bangud sa kakulang sang supply sa pungsod, kadungan sang nagadamo nga demand sa international market.
Suno sa DA, kinahanglan nga dugangan pa ang produksyon sang ube sa Pilipinas antes i-boost ang pag-export sini.
Nahibaluan nga ang demand para sa ube nagadamo sa mga pungsod kaangay sang Estados Unidos, Australia, Canada kag United Kingdom, rason nga ang balor sang mga export sang ube sang Pilipinas naglab-ot sa $3.06 million sang 2025.
Agod masabat ang kakulang, ang gobyerno nag-alokar sang ₱300 million para sa industriya sang ube sa tuig 2027, samtang ginapasanyog man ang tissue culture kag community-based nurseries agud madugangan ang dekalidad planting materials.
Padayon ang pagmapa sang Bureau of Plant Industry kag ang University of the Philippines Los Baños ang mga lokal nga sahi sang ube agud maprotektahan ini batuk sa biopiracy.
