Nag-appoint ang United Kingdom sang bag-o nga Ambassador sa Pilipinas.
Ang UK Foreign, Commonwealth and Development Office naghimo sang pahibalo sa ila opisyal nga website.
Suno sa talatapan, si Sarah Anne Pascale Hulton ang gin-appoint bilang His Majesty’s Ambassador sa Republika sang Pilipinas kag ang His Majesty’s non-resident Ambassador sa Republic of Palau.
Siya ang magabulos sa subong nga British Ambassador sa Pilipinas kag Palau nga si Laure Beaufils.
Ginalauman nga opisyal nga magapungko sa pwesto ang bag-o nga envoy sa Setyembre sini nga tuig.
Samtang, sa iya X account, si Beaufils nagpalab-ot sang pagpanginbulahan sa iya salili, nga suno sa iya mangin isa ka matahum nga embahador kag ginlaragway nga may pareho nga gugma sa pungsod pareho sa iya.
