-- ADVERTISEMENT --
Target sang United Kingdom nga makakuha sang 50 ka medalya sa nagahilapit nga Paris Olympics.
Nakatalana nga magpadala ang nasambit nga pungsod sang 327 ka atleta, mas manubo kaysa sa mga ginpadala sini sa nakaligad nga Tokyo Olympics.
Suno sa UK Sports, ang government agency sang UK nga responsable sa kinamatarung kag performance sang mga Olympians, 50 ka medalya ang minimum nga ginhandum nila nga mapauli sang mga atleta.
Apang suno sa medal range nga una na nga gintaya sang sports body, mahimu nga maglab-ot ini 50 tubtob 70 ka medalya.
Samtang, nagalaum man ang UK Sports nga 35% sini ang mga bulawan nga medalya kasubong man makasulod ang team UK sa top 5.
-- ADVERTISEMENT --
