Ukraine, gin-akusahan ang North Korea sang pagpadala sang mga suldado sa Russia

Gin-akusahan ni Ukrainian President Volodymyr Zelenskyy ang North Korea bangud sa pagpadala sang mga armas kag suldado sa Russia.

Ginpahayag sini, nga nangin hugot ang kaangtanan sang Russia kag North Korea kun sa diin indi lamang ang mga armas sa karun ang ginahatag mangin ang mga suldado.

Bangud diri nagpanawagan si Zelensky sa mga kaalyado nga pungsod nga dapat doblehon ang mga military support sa Ukraine.

Indi lamang bastante ang mga armas bangud dapat lang nga mag-angkon sang pressure ang Russia nga indi na sini makayanan pa ang makigbato.

Liwat man ini nga naghinyo sa mga kaalyado nga pungsod niya nga kun mahimu magamit na nila ang ila nga long-range missiles sa pag-atake sa Russia.