Ukraine, gin-atake ang duha ka oil refineries sang Russia

Ginkumpirma ni Ukraine President Volodymyr Zelensky nga naigo sang ila militar ang duha ka oil refineries sang Russia.

Suno kay Zelensky, gin-igo sang Defence Forces sang Ukraine ang Slavneft-Yanos refinery sa Yaroslavl kag sa Bashneft-Nooil refinery sa Bashkortostan.

Dugang pa niya nga madinalag-on manila nga gin-atake ang duha ka military patrol boats kag mga sakayan gikan sa shadow fleet sang Russia sa Black Sea.

Suno sa gobernador sang Yaroslavl nga si Mikhail Evraev, ginwasak nila ang mga Ukrainian drones nga nagasalakay sa rehiyon apang ang nagakahulog nga mga debris ang nagtuga sang sunog sa tatlo ka mga balay.

Apat naman ka tawo ang napilasan sang shrapnel, apang maayo na lang nga wala man sang may napatay.