Ukraine President Volodymyr Zelensky, gin-imbetar si Russian President Vladimir Putin para sa face-to-face talks agud tapuson ang inaway

Gin-imbetar ni Ukrainian President Volodymyr Zelensky si Russian President Vladimir Putin sa face-to-face talks bilang bag-o nga tikang padulong sa pagtapos sang inaway.

Sa iya sulat sa presidente sang Russia, ginpahayag sini nga indi maayo nga maghulat lamang tubtob nga ang inaway sa Europa ang mangin sentro liwat sang America.

Suno kay Zelensky, ang ila face-to-face talks mahimo nga hiwaton sa Switzerland ukon Turkey.

Samtang, nagapati naman si US President Donald Trump nga mas maayo kun magkit-anay ang duha ka mga lider kag nagalaum nga makalab-ot sila sa kasugtanan.

Ginkumpirma man sang Kremlin nga nabaton na nila ang sulat ni Zelensky kag ipaambit ang kaundan sini kay Putin.