-- ADVERTISEMENT --
Nahibaluan nga ang ulihi nga lokasyon ni Senator Ronald “Bato” dela Rosa ang yara sa Mindanao area suno kay Department of the Interior and Local Government (DILG) Secretary Jonvic Remulla.
Ginpanginwala man ni Remulla ang nagalapta nga balita nga nadakpan na ang senador may ka-angtanan sa arrest warrant sang International Criminal Court (ICC).
Suno kay Remulla, gin-usisa sang mga otoridad ang amo nga report pero wala sila sang nakita nga ebidensya nga nagapamatuod nga nadakpan na si Dela Rosa.
Ginpahayag man ni Remulla nga kun dakpon ang senador, sundon gid ang nagakaigo nga legal nga proseso, lakip ang pagpresentar sa iya sa lokal nga korte antes ang posible nga extradition.
