Ulo sang lalaki halos na mautod matapos ginlabo-patay sang mag-amay

 

ROXAS CITY- Halos mautod na ang ulo sang isa ka mister matapos nga ginlabu-patay sang mag-amay nga suspek sa Sitio Proper, Barangay Binuntucan, Pontevedra, Capiz.

Ginkilala ang biktima nga si Arnel Daynolo, 35-anyos kag residente sang nasambit nga lugar.

Base sa insiyal nga imbestigasyon sang mga kapulisan nga magkaupod nga nag-inom ang biktima kag ang suspek nga mag-amay nga sanday Ariel Sia, 31-anyos kag Jose Pepito Sia, 68-anyos antes matabo ang insidente.

Ginapahayag nga nakaangkon sang pagbina-isay ang biktima kag mga suspek sa diin gilayon nga ginlabu sang tigulang si Daynolo gamit ang espading.

Kasunod sini, ginkuha sang bataon nga Sia ang espading kag iya man nga ginlabu sang makapila ka beses ang biktima tubtob nga mapatay.