ROXAS CITY – Nangin madinalag-on ang una nga adlaw sang Bagong Pilipinas: A Caravan of Services nga ginpatigayon sa Capiz Gymnasium, Villareal Stadium sining syudad.
Masobra 9,000 ka mga indibidwal ang nagpadulong agud i-avail ang mga nanari-sari nga serbisyo nga gindul-ong sang mga magkatuhay nga Participating National Government Agencies.
Mahibaluan nga madamo nga mga serbisyo ang ginadul-ong kag ginatan-ay sang madamo nga ahensya nga nagpakigbahin.
Kadungan man subong nga adlaw ang pagpanagtag sang AKAP cash assistance sa pagpanguna sang Department of Social Welfare Development (DSWD).
Yara man ang presensya sang katapo sang mga kapulisan agud mapabilin ang kalinong kag katawhay sa lugar.
Samtang, bwas nga adlaw ang katapusan sang Bagong Pilipinas: A Caravan of Services.
