-- ADVERTISEMENT --
Nangin madinalag-on ang una nga adlaw sang klase sa Capiz National High School.
Sa interview sang Bombo Radyo kay Charlie Begas, School Principal IV sang amo nga buluthuan, iya ginpahayag nga nangin matalunsay ang una nga adlaw sang klase sa School year 2026-2027.
Suno kay Begas, naglab-ot sa malapit 4,900 ang kabug-usan nga enrollees, nga ginabug-usan sang mga 2,900 ka Junior High School kag 1,900 ka Senior High School nga estudyante.
Nagalaom man ini ang masaka pa ang enrolment kag magalabot sa 5,000 ka enrollees pareho sang nagligad nga tuig.
