ROXAS CITY – Liwat nga nangin temprano ang pagsugod sang flag raising ceremony, sang mga empleyado sang Kapitolyo.
Nagdul-ong sang iya speech si 1st district board member Blesilda ‘Gingging’ Almalbis, kun sa diin nagpahanumdom ini sa mga empleyado nga padayon nga mangin sensiro sa ila pagtrabaho kag suportahan ang gobyerno probinsyal sa mga proyekto para sa Capiz.
Sa pagpangusisa sang Bombo Radyo sa lugar, nahibaluan nga ikaduha na ini nga flag raising ceremony nga wala ang presensiya sang Gobernador.
Ginpahayag sang masaligan nga tiliman-an, nga naospital si Governor Fredenil Castro, sang nagligad nga inadlaw, apang wala pa ini sang kumpirmasyon sa iya opisina.
Sa karon, si Vice Governor Jaime ‘Mitang’ Magbanua ang nagatindog bilang OIC sang probinsya.
Nahibaluan nga masami nagalibot sang personal ang gobernador sa mga kabanwahanan.
