Posible nga masolbar subong nga tuig ang una nga mga kaso may kaangtanan sa flood control scandal, suno sa Sandiganbayan.
Sa ginhiwat nga deliberasyon sang Senate Finance Committee para sa budget proposal sang judiciary para sa tuig 2027, gin-anunsyo ni Sandiganbayan Presiding Justice Geraldine Faith Econg nga mahimo magpagwa sang desisyon ang korte angut sa conviction ukon abswelto sang mga akusado.
Suno kay Justice Econg, ang pinakauna nga kaso nga ginpasaka sang Office of the Ombudsman sang Nobyembre 18, 2025 madasig ang progreso kag yara na sa defense stage antes magligad ang isa ka tuig.
Ginhatagan pagtamod sang opisyal nga kun sundon ang mga probisyon sang Speedy Trial Act nga gintalana sang Korte Suprema, daku ang posibilidad nga matapos kag madesisyunan ang kaangay nga kaso antes matapos ang tuig.
Kalakip sa mga high-profile nga mga indibidwal nga nadakpan kag gin-detain amo sanday anay House Speaker Martin Romualdez kag Senador Jinggoy Estrada bangud sa ginaalegar koneksyon sa flood control scandal.
