Nagpangibabaw si Pinoy pole vaulter EJ Obiena sa Metz Moselle Athletor sa France.
Ini ang una nga gold medal nga nakuha ni Obiena sa pagsulod sang 2025.
Ang nasambit nga kadalag-an, isa ka semana matapos nga makaangkon ini sang silver medal sa Jump Meeting Cottbus 2025 sa Germany.
Nakuha ni Obiena ang 5.70 meters clearance batuk sa pito ka iban pa.
Gin-attempt sang World number 4 ang 5.85meters jump apang wala ini nagmadinalg-on sa tanan nga attempts.
Ang 5.70 meters sini ang makabig niya nga season-best para maangkon ang una nga gold medal sini nga tuig.
Nagpatas man ang Dutch pole vaulter nga si Menno Vloon apang napaslawan ini sa ginhiwat nga tie breaker gani nagpangaduha lamang siya.
Yara naman sa pangatlo nga puwesto sa nasambit nga torneo si Christopher Nilsen sang USA nga naka-clear sang 5.60 meters.
Gilayon naman ini nga magasabak subong sa ISTAF Indoor sa Berlin subong nga Lunes. Matandaan nga pila ka bulan nga nagpahuway si Obiena pagkatapos sang Paris Olympics bangud sa injury sa likod.
