Ginkumpirmar sang mga otoridad sa Norway ang pinakauna nga kaso sang bird flu sa isa ka polar bear sa Europe matapos matukiban ang H5N5 strain sang avian influenza sa rehiyon sang Svalbard sa Arctic.
Suno sa Norwegian Veterinary Institute, nasapwan ang bangkay sang isa ka lalaki nga polar bear kag isa ka walrus sa nagyelo nga lugar malapit sa North Pole. Sa laboratory test, nagpositibo ang duha ka sapat sa H5N5 nga variant sang bird flu.
Suno kay Ragnhild Tonnessen, bird flu coordinator sang institute, nagakadamo na ang kaso sang bird flu sa mga mammal sa Europe kag nagalapta man ini sa Arctic, nga mahimo magbutang sang peligro sa mga nga sapat kag sa sensitibo nga ecosystem.
Ginpahayag man sini nga ang Svalbard nga posible nga bird flu ang kabangdanan sang pagkapatay sang polar bear kag walrus base sa resulta sang mga sample nga gin-usisa.
Matandaan nga sang 2023, may mga kaso man sang bird flu sa isa ka walrus sa Svalbard kag isa ka polar bear sa Alaska.
