Sa pagpadayon sa ikatatlo nga adlaw sang impeachment trial kay VP Sara Duterte, nagtuhaw ang pamangkot kun sin-o ang naghimo sang grave threats batok sa bise presidente.
Sa iya liwat nga pag-atubang, gin-athag sang una nga testigo sang prosekusyon nga si NBI Senior Agent John Mark Calilung nga ang kaso sang pagpamahog sa kabuhi sang mga mataas nga opisyal mahimo nga magpadayon sa preliminary investigation bisan pa nga wala sang pormal nga reklamo gikan mismo sa biktima kon may bastante nga ebidensya nga natipon sang mga imbestigador.
Ginpamangkot ni Senator-judge Erwin Tulfo kun kinahanglan pa ang pahanugot ukon reklamo gikan sa mga opisyal antes magpatigayon sang imbestigasyon.
Gin-athag naman ni Calilung nga may mandato ang National Bureau of Investigation (NBI) nga mag-imbestiga sang boluntaryo (motu proprio) kon ang pamahog ang batok sa mataas nga opisyal sang pungsod kaangay sang Presidente, Bise Presidente, Senate President, Speaker of the House, ukon Chief Justice.
