Nagdesisyon si Dean Ralph Sarmiento nga indi na mag-atubang bilang saksi sang defense team sa pagpadayon sang impeachment trial batok kay Vice President Sara Duterte sa Nobyembre 9.
Ginpahayag ni Sarmiento nga matapos ang maid-id nga pagbinag-binag, nagdesisyon ini nga indi na mag-intra sa mga hearing.
Gin-athag man sini nga personal nga desisyon ang iya pag-atras agud mapabilin ang iya kahilwayan sa pagtuon kag pagpanalawsaw parte sa konstitusyon, kag masiguro nga wala ini may ginadampigan sa iya mga legal nga pagtamod kag opinyon.
Si Sarmiento amo kuntani ang una nga ginalauman nga mangin nga witness nga ipresentar sang defense team sa impeachment proceedings batok sa Bise Presidente.
Sa subong, wala pa sang kasiguruhan kon sin-o ang ibulos sang depensa kay Sarmiento bilang witness sa masunod nga pagpadayon sang impeachment trial.
