Unemployment rate nagtaas sang 4.9% sang Hunyo 2026 sandig sa data sang PSA

Nagtaas ang unemployment rate sang 4.9% sang Hunyo 2026, samtang ang numero sang mga wala sang trabaho nga mga Filipino nagsaka 2.59 million base sa Labor Force Survey sang Philippine Statistics Authority (PSA).

Suno kay National Statistician kag Civil Registrar General Dennis Mapa, ang datos nagapakita nga ang unemployment rate sang Hunyo ang mas mataas kun ipaanggid sa 3.7% nga narekord sang Hunyo 2025 nga may 1.95 million ka mga Pinoy nga wala sang trabaho.

Mas mataas man ini kun ipaanggid sa 4.8% nga unemployment rate sang Mayo 2026 nga may 2.50 million.

Apisar may pagtaas sang unemployment, ang labor force sang pungsod nagsangkad sa 53.25 million sang Hunyo 2026 halin sa 52.42 million sang Hunyo 2025 kag 52.13 million sang Mayo.