-- ADVERTISEMENT --
Nag-viral online ang masadya nga “petship” sang ido nga si Ling kag baboy nga si Pinky sa Samal Davao del Norte, matapos ini ginkalingawan sang mga netizens.
Gilayon ini nga naglapta sa social media kag nakakuha sang positibo nga reaksyon.
Sa video, malipayon nga nagahampang ang duha nga daw kaangay madugay na nga mag-abyan.
Suno sa ila caretaker nga si Mary Pelegrino, hungod nga nagpalapit si Ling kay Pinky.
Sa baylo nga mahadlok, nag-upod pa gid si ling kay Pinky tubtob nga nag-bonding sila nga duha.
-- ADVERTISEMENT --
Bangod sang ila pinasahi nga relasyon, madamo ang nalipay kag kag nagsiling nga sa simple nga pagpalangga-anay sang duha ka sapat, makita nga ang matuod nga pag-abyanay wala nabase sa kinalain, kundi sa pag-ulikid kag paghangpanay.
