United Airlines, magabuhin sang flight bangud sa mahal nga jet fuel

Magabuhin sang mas ukon menos 5% sang mga naka-iskedyul nga biyahe ang United Airlines bilang temporaryo nga tikang bangud sa pagtaas sang presyo sang jet fuel nga tuga sang nagalala nga tensyon sa Middle East.

Suno sa pamunuan, posible nga madugangan sang tubtob $11 billion kada tuig ang gastos sa fuel kun magpabilin nga mataas ang presyo sang langis, nga ginalauman nga maglab-ot sa $175 kada bariles.

Temporaryo man nga buhinan ang kapasidad sang flight ilabi na sa off-peak periods subong nga tuig.

Kalakip sa mga apektado nga ruta ang pila ka mga biyahe padulong sa Israel, United Arab Emirates, kag Chicago.

Katuyuan sang amo nga tikang nga makontrol ang gastos samtang ginasantu ang operasyon sa subong nga sitwasyon sang merkado.