Nagpadala na sang gilayon nga bulig ang United Arab Emirates (UAE) sa mga komunidad nga apektado sang mabaskog nga linog sa Mindanao.
Kalakip sa mg ginpadala amo ang pagkaon, relief goods, kag suporta sa mga apektado nga lugar sa Mindanao.
Tinutuyo sang emergency humanitarian response nga mahatagan sang gilayon nga recovery ang mga residente sa lugar.
Dugang pa sang opisyal nga ang nasambit nga tikang ang kabahin man sang ila pagbulig sa mga pungsod nga apektado sang kalamidad kaangay sang Pilipinas.
Nagpabutyag man sang pagpakig-unong kag suporta ang nagkalain-lain nga pungsod kaangay sang USA, Japan, China, Australia, Germany, France, New Zealand, Israel, Russia, kag Ukraine.
Una na nga nagpadala sang mensahe sang pagpakig-unong si UAE President Sheikh Mohamed bin Zayed Al Nahyan kay Presidente Ferdinand Marcos Jr., kag nagpasalig sang padayon nga suporta sa Pilipinas.
