Nagapawagan ang United Labor Panay sa gobyerno nga kanselahon ukon repasuhon ang Oil Deregulation Law, kasunod sang pagsaka sang inflation rate sa pungsod.
Sa interview sang Bombo Radyo kay Elmer Forro, spokesperson sang United Labor Panay, iya ginpahayag nga daku ang epekto sang padayon nga pagsaka sang presyo sang gatong, ilabi na sa sektor sang transportasyon.
Suno kay Forro, isa man sa ginakabig nga rason sang problema sa transportasyon amo ang Public Utility Vehicle Modernization Program.
Bangud suno sa iya nagaresulta ini sa kakulangan sang mga salakyan nga kaya mag-akomodar sa mga pasahero sa pila ka lugar.
Nagalaum man ang grupo nga untaton ang privatization kag magpatuman ang gobyerno sang mga tikang nga makabulig sa pagpanubo sang presyo sang mga produkto kag serbisyo, ilabi na sa transportasyon.
