Nagdangat na sa 2 ang kumpirmado nga patay matapos ang pagpang-arado sang isa ka 10-wheeler truck sa banwa sang Ivisan.
Ginkilala ang biktima kay Maricel Sargento, dead on arrival nga ginpadangat sa ospital, street sweeper sa nasambit nga banwa samtang ang wala pa ginhingadlan nga biktima nga senior citizen nga lalaki nga ginbawian man sang hulam nga kabuhi, sakay sa iya motorsiklo nga ginbungguan sang truck sa atubang sang Petron Gas Station.
Matandaan nga magluwas pa sa mga biktima nga ginbawian sang hulam nga kabuhi madamu pa sang mga salakyan ang nagkalaulamid kag mga persona ang nagkalapilasan nga padayon nga ginabulong sa ospital.
Sa karun, padayon pa ang ginapatigayon nga imbestigasyon sang mga kapulisan angut sa nasambit nga insidente samtang nagapabilin nga nakahunong sa Ivisan MPS ang driver kag mga pahinante sini.
